នាយកដ្ឋានអភិវឌ្ឍន៍

នៅរសៀលថ្ងៃអង្គារ ១០រោច ខែជេស្ឋ ឆ្នាំថោះ បញ្ចស័ក ព.ស  ២៥៦៧ ត្រូវនឹងថ្ងៃទី១៣ ខែមិថុនា ឆ្នាំ២០២៣។ (ភ្នំពេញ)៖ នៅនាយកដ្ឋានអភិវឌ្ឍន៍ក្រសួងការពារជាតិ មានកិច្ចប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២៣ និងទិសដៅអនុវត្តឆមាសបន្ត  និងចែកសៀវភៅអ្នកគូសវាសជោគវាសនាកម្ពុជា របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជណាចក្រកម្ពុជា ជូននាយទាហាន នៅក្នុងនាយកដ្ឋានអភិវឌ្ឍន៍។ កិច្ចប្រជុំនេះ ស្ថិតក្រោមអធិបតីភាព ឯកឧត្តម ឧត្តមសេនីយ៍ទោ អ៊ុក ហឿនពិសី នាយក នាយកដ្ឋានអភិវឌ្ឍន៍ ក្រសួងការពារជាតិ ។

នៅព្រឹកថ្ងៃអាទិត្យ ១រោច ខែជេស្ឋ ឆ្នាំថោះ បញ្ចស័ក ព.ស  ២៥៦៧ ត្រូវនឹងថ្ងៃទី៤ ខែមិថុនា ឆ្នាំ២០២៣។ភ្នំពេញ៖ នៅព្រលានយន្តហោះអន្តរជាតិ  ពោធិចិនតុង ឯកឧត្តម ឧត្តមសេនីយ៍ទោ អ៊ុក ហឿនពិសី នាយក នាយកដ្ឋានអភិវឌ្ឍន៍ ក្រសួងការពារជាតិ បានអញ្ជើញទទួលស្វាគមន៍ គណៈប្រតិភូថៃដែលដឹកនាំដោយលោកអាចារ្យ WIWAT SAYAKAMTHORN   ទីប្រឹក្សាជាន់ខ្ពស់ផ្នែកកសិកម្ម តាមព្រះរាជតម្រិះព្រះមហាក្សត្រថៃ និងជាប្រធានមជ្ឈមណ្ឌលកសិកម្មធម្មជាតិ (ម៉ាប អឿង)។